Abantu 10,000 Kushemezibwa ahabwa busha omurusiisira rw'eby'amagara omuri Ankole. PHOTOs by Eli Akiza.

N’ebya Eli Akiza

MBARARA

Orusiisira rw’eby’amagara orw’okushemeza abarwaire ahabwa busha orutandiikire nyomwebazyo ruriyo nirugyenda omu maisho omu marwariro 25 againe eishemerezo (theatre) omu kyanga ekya Ankole.

Orusiisire oru rutandiikire nyomwebazyo ebiro 23.09.2024. Gamwe aha marwariro agarikuza kushemerezibwaho abarwaire garimu Mbarara Regional Refferal Hospital, Mbarara Municipal Council health Centre IV, Bwizibwera Health Centre IV, Ntungamo Health Centre IV, Bushenyi Health Centre n’agandi mingi.

Abashabo abahangu barikushemeza omurwaire ah'eirwariro erya Mbarara Regional Referral Hospital ahabiro 23.09.2024.

Omuhururu egi ey’okushemeza amaani gateirwe aha bantu abaine kushemezibwa abatarikwebaasa. 

Orusiisire oru rutebeekanisiibwe ekigombe ky’abashaho abahangu omukushemeza ekya Surgeons Association of Uganda, kikwataniise na minisiture y’eby’amagara hamwe n’abany’ishengyero b’omu kyanga ekya Ankole kandi nirwija kuhendera ebiro 28.09.2024.

Omuny'ishengyero-kazi wa Mbarara City, Atukwasa Rita Bwahika n'abashaho barikushomesa abarwaire abaizire kushemezibwa omurusiisira rw'eby'amagara orutebeekanisiibwe omu kyanga ekya Ankole.

Endwara ezirikuza kushemezibwa harimu Aniya, Goita, abaana abazairwe n’ebigyere bikikami, ebizimba by’ahabwongo, abu amagufa gaabo gaine oburemeezi n’ezindi nyingi.

Abantu barikurenga 10,000 nibo barikuteekateekwa kukorwaho okwetoroora za disiturikiti 13 ez’omu kyanga ekya Ankole omu marwariro agari aha rurengo rwa Health Centre IV n’eirwariro erihango erya Mbarara.

#WestUpdates