Kasasira naagira ngu emotoka na piki ezotomerana zatwarwa aha Pooriisi ya Mbarara kuzikyebera kureeba yaaba zaaba ziri omu muringo murungi.

N’ebya Levi Muhaburane

MBARARA 

Abantu 3 bafeera omuri butandu omu kasheeshe k’eriizooba eyaaba haihi n’eirwariro erya Mayanja aha ruguuto orwa Mbarara-Masaka omu rurembo orwa Mbarara.

Butandu egi yabaho shaaha nka 1:50 z’akasheeshe kandi yaaba erimu emotoka ya Prado ehandiikirwe omu namba ya UAV 632T eyaaba neeruga Masaka erikuza Mbarara, za piki 2- emwe eyanamba ya UFW 194M hamwe n’omukazi owaaba natambuza ebigyere.
 
Emitumbi y’abantu 3 abaafa yatwarwa omu kabafu ah’eirwariro erihango erya Mbarara kukyeberwa kandi ababiri abaatunga obuhuta batwarwa ah’eirwariro erya Mayanja ahi bariyo nibaraguririrwa.

Samson Kasasira, Omugambirizi wa Pooriisi ahabw’ekyanga ekya Rwizi naagira ngu ekyareetaho butandu egi n’omuvugi w’emotoka eya Prado owaaba naavuga siipidi erengire.

Kasasira naagira ngu emotoka na piki ezotomerana zatwarwa aha Pooriisi ya Mbarara kuzikyebera kureeba yaaba zaaba ziri omu muringo murungi.

#WestUpdates