Abantu 4 bakwateirwe obushuma ah’eirwariro erya Karuma.

N’ebya Saidi Engola na Hudson Apunyo.

KIRYANDONGO

Abantu 4 abarimu omwegi wa S.6 bakwatsirwe ahabw’okugira akakwate n’okugambwa kuba baibire ebintu by’okwombekyesa kuruga ah’eirwariro erya Restoration Gateway Hospital omuri Bedmot omu tauni kanso ya Karuma omu disiturikiti eya Kiryandongo.

Orikukurira eby’okwerinda ah’eirwariro eri, Lawrence Opiyo, ahamize amakuru aga kandi nagamba banyakuteekateekwaho nka; Justin Katusegye, 23, Tom Shadik, 29, Cosmus Lenga, 21 na Francis Jawia, 22, omwegi wa S.6 ah’eishomero erya Oak of Righteousness.

Opiyo naagira ngu za piki 2 ezihandiikirwe omu namba ya UDX 094C na UFX 314C, ezi banyakuteekateekwaho barikugambwa kuba babaire nibakoresa kutwara ebintu by’enyibano zikwatsirwe.

Naagira ngu bashangire ngu banyakuteekateekwaho bakoragaine n’omwe aha beegi b’eishomero erya Oak of Righteousness School.

Opiyo nakyoreka ngu eki kibaireho shaaha nka 11 z’ekiro kandi banyakuteekateekwaho bakwatsirwe rubona n’ebintu by’okwombekyesa. 

Aba bahairweyo omu mikono ya Pooriisi ya Karuma obwo okucondooza kurikugyenda omu maisho.

#WestUpdates