UWA kwihaho ebishare ahabashabazi abarikuraba omu eirindiro erya Murchison – Purezidenti...(Photo by PPU)

N’ebya Omushaki Waitu

Purezidenti Yoweri Museveni nashaba ekitongore ekya Uganda Wildlife Authority (UWA) obutashashuza abashabazi abatari barambuzi abarikuraba omu eirindiro erya Murchison Falls National Park kuza omumatemba g’eihanga.

Obwahati, abashabazi nibakoresa enguuto eri omu eirindiro erya Murchison Falls National Park nk’omuhanda ogundi bwanyima y’okukinga orutindo orwa Karuma oruriyo niruhunduuzibwa.

Abany'eishengyero ba NRM aha State House, Entebbe..(Photo by PPU)

Purezidenti ebi abigambire nyomwabazyo obu abaire nabuganaho abany’eishengyero ba NRM aha State House, Entebbe.

Abany'eishengyero ba NRM aha State House, Entebbe..(Photo by PPU)

Ebigambo bya Purezidenti Museveni nibyijaho bwanyima ya Nyampara wa Gavumenti, Denis Hamson Obua omushabire okwihaho ebishare ahabashabazi abarikukoresa enguuto y’omu eirindiro.

Abany'eishengyero ba NRM aha State House, Entebbe..(Photo by PPU)

Kurugiirira ahari Purezidenti, enshonga ti y’esente beitu eki emotoka ezi zirikukora enyamaishwa omu paaka egi.

Omuhwezi wa Purezidenti, Jessica Alupo...(Photo by NRM)

Purezidenti Museveni araagiire omuhwezi we, Jessica Alupo kwetaho orukiiko na Minisiture y’eby’oburambuzi n’abany’eishengyero abamwe kushwijuma akabi k’emotoka empango ezirikuraba omu eirindiro rya Murchison ahaby’oburambuzi.

#WestUpdates