Purezidenti Yoweri Museveni ayigwireho purogyekiti y'amashanyarazi ga Karuma omu disiturikiti eya Kiryandongo ahabiro 26.09.2024. PHOTOs by PPU.

N’ebya Omushaki weitu

KIRYANDONGO

Purezidenti Museveni asiimire gavumenti ya China ahabw’okushagika purogyekiti y’amashanyarazi ga Karuma eya Karuma Hydropower Plant. Asiimire n’aba kampuni eya Sinohydro ahabw’omurimo murungi ogubakozire.

Purezidenti Yoweri Museveni ayigwireho purogyekiti y'amashanyarazi ga Karuma omu disiturikiti eya Kiryandongo ahabiro 26.09.2024

Purezidenti agambire ebi obu abaire nayiguraho purogyekiti y’amashanyarazi ga Karuma eya 600MW omu disiturikiti eya Kiryandongo nyomwebazyo.

Purezidenti Museveni arikubyara omuti ahamukoro gw'okwiguraho purogyekiti y'amashanyarazi ga Karuma.

Purogyekiti y’amashanyarazi ga Karuma ekozirwe aba Sinohydro Corporation Limited, kampuni y’aba China.

Purezidenti nabwo agambiire abahikire aha mukoro gw’okwiguraho purogyekiti egi ng Uganda eine ebintu ebi eteireho amaani omukutunguura eby’entaasya y’eihanga ebirimu okuhinga n’okuriisa okwa esente, eby’amakorero, okuhisya abantu obuheereza hamwe n’okutunguura ebya tekinologiya.

Purezidenti Museveni agambiire aba China ngu Uganda neta amaani omukutunguura ebintu by'akanyabwengye omukutunguura eby'entaasya.

Museveni agarukire yagamba ahamugasho gw’okukoresa abakozi abashomiire arikukyoreka ngu za fakitore enyingi nizigyendera aha bakozi abashomiire.

Ambasada wa China omu Uganda, Zhang Lizhong asiimire purogyekiti y’amashanyarazi ga Karuma ei agizire ngu neija kwinegyeza entunguuka omu Uganda.

#WestUpdates