Abashuubuzi b’ente 4 bateirwe amasasi baafa omuri Amudat.

N’ebya Charles Etukuri

AMUDAT

Abashuubuzi b’ente 4 kuruga omu rurembo orwa Mbale bateirwe amasasi baafa omu disiturikiti eya Amudat obwo barikuteerwa abateekateekirwe kuba abashuma ababaire baine embundu.

Mike Ilungole, Orikukora nk’omugambirizi wa Pooriisi ahabwa MT Moroto naagira ngu eki kibaireho aha Sande ebiro 04/02/2024 shaaha nka 9:30 z’omwabazyo.

"Pooriisi omuri Amudat ehandiikire ekikorwa eki ahi abantu 4 ababaire nibatamburira omu motoka ehandiikirwe omu namba ya UBP 601Q Toyota Harrier bateirwe amasasi abarikugambwa kuba abashuma baafa aha ruguuto orwa Lemusui omu kyaro ekya Akonguyo omu disiturikiti eya Amudat,” okurugiirira ahari Ilungole.

Nashoborora ngu tiimu y’abacondooza ehikire aha mwanya n’embwa yaayo ekangiirizi kandi eshangire ngu abantu 4 boona abaitsirwe babaire nibaruga omuri Mbale.

"Tihaine muntu weena owakwatsirwe. Ebintu ebikoresiibwe omu kwita bishangirwe aha mwanya kandi haine abantu abakozire siteetimenti kubaasa kuhweraho omu kucondooza,” Ilungole arikushoborora.

Okurugiirira ahari Ilungole, emitumbi y’abagyenzi etwirwe omu kabafu ah’eirwariro erya Amudat kukyeberwa obwo okucondooza kurikugyenda omu maisho.

#WestUpdates