Purezidenti Museveni agarukiremu okurambura kwe kw'okureeba oku puroguraamu ya PDM eriyo neteebwa omunkora omuri Karamoja Orwakabiri ebiro 03.12.2024. Photos by PPU.

N’ebya Beth Akatukunda

AMUDAT

Purezidenti Yoweri Kaguta Museveni naagira ngu kyanguhi abanya-Uganda kuruga omu bworo ahabw’entuura nungi eri omu eihanga, obwebembezi burungi, ebiragiro birungi hamwe na puroguraamu nungi ezi gavumenti eteireho.

Museveni arikurambura embuzi z'omuriisa Amos Anos Rhembuss omu disiturikiti eya Amudat Orwakabiri ebiro 03.12.2024.

Purezidenti agambire ebi Orwakabiri ebiro 03.12.2024 obu abaire nagarukamu okurambura kwe omu kyanga ekya Karamoja kushwijuma n’okureeba oku puroguraamu y’entunguuka y’emiruka eya PDM na puroguraamu ye ey’okureetaho obutungi ziriyo nizikoramu omu kyanga eki.

Purezidenti Museveni yaheza kuhika omu disiturikiti eya Amudat kurambura oku puroguraamu eya PDM eriyo neteebwa omunkora omu kyanga ekya Karamoja.

Purezidenti Museveni nakyoreka ngu puroguraamu ya PDM hamwe n’abantu kwejumbira omu buhingi n’oburiisa obw’ekibaro ni bimwe aha bintu ebyorobi ikora kuhwera abantu kuruga omu bworo.

Museveni naagira ngu ekireteire obworo bwagumaho n’ahabw’obutamanya bw’abantu aha kibaine kukora hamwe n’obwire obumwe, okutunga obuhabuzi bugwire.

Embuzi za Amos Rhembuss ezi arikuriisiza omu mwanya gumwe omu disiturikiti eya Amudat.

Purezidenti Museveni ahamiize abantu b’omu disiturikiti eya Amudat ngu gavumenti neija kugumizamu erikubashagika kureeba ngu barwanisa obworo omu maka gaabo n’okutunguura emiturire yaabo kurabira omu kwejumbira omu puroguraamu zitari zimwe nk’eya PDM.

#WestUpdates