Omuhwezi w’omuduumizi w’amahe ga UPDF ahabw’enkambi ya kashatu, Brig. Gen. Felix Busizoori naagira ngu abantu baingi bafeeriirwe amagara gaabo ahabw’okurwana kw’embundu. Photos by Charles Etukuri.

N’ebya Charles Etukuri

KARAMOJA

Ebitongore by’okwerinda omu kyanga ekya Karamoja bihaire abashuma b’ente baaba Tepeth kuruga omu disiturikiti eya Moroto ebiro 7 kuhayo embundu ezibaine omu bushobya bekundiire hamwe n’amatungo g’enyibano agubakubaasa kuba baine.

Arikugambaho omu rukiiko rw’eby’okwerinda n’abantu b’aburiijo omu kyaro ekya Lokidet omu gomborora eya Katikikile omu disiturikiti eya Moroto, omuhwezi w’omuduumizi w’amahe ga UPDF ahabw’enkambi ya kashatu, Brig. Gen. Felix Busizoori naagira ngu abantu baingi bafeeriirwe amagara gaabo ahabw’okurwana kw’embundu. 

Ahabw’okwenda kureetaho obusingye, nimbashaba okuhayo embundu ezimwine omu bushobya omu biro 7 byonka.

Omuhwezi w’omuduumizi w’amahe ga UPDF ahabw’enkambi ya kashatu, Brig. Gen. Felix Busizoori arikugambaho omu rukiiko rw'ebitongore by'okwerinda n'abantu b'aburiijo ab'omu kyanga ekya Karamoja.

Maj. Moses Amuya, Orikukora nk’ow’eby’amakuru ahabw’enkambi ya kashatu y’amahe, naagira ngu Brig. Gen. Busizoori agambiire aba Tepeth okuheereza ekitinisa ekiragiro ky’okuhayo embundu ezi omu b’eby’okwerinda ahabw’okwenda kureetaho obusingye omu kyanga eki.

Busizoori ashabire abeebembezi kurundaana abashuma b’ente bakagamba nabo kureeba ngu bagaruza ente ezibayibire omu gomborora eya Rupa n’omu bicweka ebindi.

Nashaba abatuura okukwatanisa n’ab’eby’okwerinda hamwe n’obukiiko oburikujunanizibwa aha kureeba ngu embundu eziri omu bantu omu buhenda biragiro zarugayo babaase kureeba oku enshonga y’obushuma bw’ente yakubaasa kuhwaho.

Aha rubaju rwabo, abany’ishengyero, Mica Lolem ow’eishaza erya Upe omu disiturikiti eya Amudat hamwe na Albert Lokuru o’weishaza erya Tepeth omuri Moroto basiimire amahe ga UPDF ahabw’omurimo murungi ogubariyo nibakora oteireho n’okuheereza ekitinisa abantu b’aburiijo.

Ekicweka kya kashatu ky’ehururu kikatandika ebiro 17/07/2021 kandi embundu 1,000 nizo zibaasize kwihwa omu bantu omu kicweka eki.

Gavumenti ya Uganda ekatandika ehururu y’okwiha embundu ezi abantu b’omu kyanga ekya Karamoja baine omu bushobya omu mwaka gwa 2001-2002 kandi kuruga obwo embundu 10,000 nizo zayihirwe omu bantu.

Ekicweka kya kashatu ky’ehururu kikatandika ebiro 17/07/2021 kandi embundu 1,000 nizo zibaasize kwihwa omu bantu omu kicweka eki.

#WestUpdates