Bamwe omu bakuru abayetaba omu rukiiko n'aba UMEME ah'eirwariro erya Kabale eriizooba Orwakashatu. Photos by Job Namanya.

N’ebya Job Namanya

KABALE

Abarikukwatwaho omu by’entunguuka kuruga omu disiturikiti eya Kabale bakabukira abakuru kuruga omu kampuni y’amashanyarazi eya UMEME ahabw’amashanyarazi okuguma nigarugaho omu kicweka eki.

Disiturikiti ya Kabale n’emwe aha myanya ei amashanyarazi garikukira kurugaho. 

Abanyamyooga omu by’oburambuzi n’amakorero, abashaho, abakuru omu by’okwerinda n’abashuubuzi babuganaho abakuru kuruga omu kitongore ekya UMEME ah’irwariro erya Kabale.

Omwe aha bashaho arikugambira omurukiiko rw'abarikukwatwaho omu by'entunguuka n'abakuru kuruga omu kampuni eya UMEME orwaba ah'eirwariro erya Kabale.

Aba bayoreka okukwatwaho ahabw’amashanyarazi kuguma nigarugaho bwasheesha bwira eki barikugira ngu kiteganiise bizinesi zaabo n’entunguuka y’ekyanga eki.

Aba tibamarwa n’ebi abakuru kuruga omu UMEME babagambira ngu ekirikureteera amashanyarazi gaguma nigarugaho n’ahabw’emiti ebyirwe aharubaju rw’ebikondo by’amashanyarazi.

#WestUpdates