Enganzi y’obukama bwa Busoga, Dr. Joseph Muvawala Nsekere arangiirire tiimu y’abantu abari aha kakiiko aka. Photo by Donald Kiirya.

N’ebya Donald Kiirya

IGANGA
 
Akakiiko akarikwija kuba nikajunaanizibwa aha kutebeekanisa omukoro gwa Kyabazinga wa Busoga, William Gabula Nadiope IV n’omukazi we (Inhebantu wa Busoga) Jovia Mutesi, ogw’okugaitwa kanjwirwe.
 
Akakiiko aka kanjuriirwe abantu aha mukoro gw’okujaguza emyaka 9 ei Nadiope yaahisya ahangoma ogubaire omu kishaayi kya Namungalwe Saza 'ground' omu disiturikiti eya Iganga aharwakashatu.

Enganzi y’obukama bwa Busoga, Dr. Joseph Muvawala Nsekere arangiirire tiimu y’abantu abari aha kakiiko aka.

Naagira ngu akakiiko k’abantu 21 abarimu Minisita omu gavumenti ya rwagati nikebemberwa Eng. Patrick Batumbya - Dayirekita wa kampuni eya MBW Consult,.

Abandi abari ahakakiiko aka barimu; Martin Tibalira (Omuhwezi wa Ceeyamaani),  Mukuru wa KCCA Dorothy Kisaka, George William Bwanga (Omushugaanisa wa Balangira na Bambedha), Hajji. Badru Muwanga (Omushugaanisa wa Baise Bagosa), 
Omuhwezi w’enganzi ya kabiri omuri Busoga Owek. Alhajji Osman Ahmed Noor (Omushugaanisa w’ebitongore eby’amaani) n’abandi baingi.

Muvawala nayongyeraho ngu omuhwezi w’okubanza w’enganzi y’eihanga kandi Minisita w’enshonga z’aheeru, Rt. Hon. Rebecca Kadaga naija kuba nashugaanisa emyanya yoona eyagambwaho.

"Nitushaba abanyambabazi okurugayo bakashagika omukoro ogu,” Muvawala arikushoboorora.

Omukoro gwa Kyabazinga ogw’okugaitwa nigwija kubaho ebiro 18/11/2023 ahari Christ’s Cathedral Bugembe omu rurembo orwa Jinja.  
 
#WestUpdates