Abantu bashatu omuri Masindi baagwire omu kidiba ky’amaizi ekiri omu mwanya ogwabaire nigutiimbwamu amabaare baafa. PHOTO by Bruno Mugizi.

N’ebya Ambrose Nuwagaba Katooto

MASINDI

Abantu bashatu omu disiturikiti eya Masindi baagwire omu kidiba ky’amaizi ekiri omu mwanya ogwabaire nigutiimbwamu amabaare baafa.

Ekyekango eki kibaire omu kyaro kya Nyabigoma omu gomborora eya Budongo, Masindi kandi kisigire abatuura baine okutiina.

Abagyenzi bamanywa nka; Grace Agonyi, 30, Lilian Ayikoru, 12 n’ondaijo mwana w’emyaka 2 otamanywa maziina. Aba boona n’abatuura ba Nyabigoma omu gomborora eya Budongo.

Ekirombe eki nikigambwa kuba kyasigirweho konturakita owabaire naakora oruguuto orwa Biiso-Masindi.

Livingstone Jarua, ceeyamaani w’ekyaro ekya Nyabigoma naagira ngu abagyenzi bareebirwe omu kasheeshe ka nyomwebazyo ebiro 13.10.2024 omu kidiiba ky’amaizi ekyabaire nikitiimbwamu amabaare nikwo kwihayo emitumbi egyo.

#WestUpdates