Omukazi akwateirwe okufeera omushaija we ngu arugirwemu enda- Masindi.

N’ebya Omushaki Weitu

MASINDI

Omukazi w’emyaka 35 omuri Masindi Munisiparite akwateirwe okufeera omushaija we akamwihaho esente arikubiiha ngu arugirwemu enda y’abarongo.

Jennifer Nyakato nagambwa kuba aizire omu kyaro kya Kyema ameezi makye agahwore lamdi omu kaire kakye aku abaire amazire omukyaro ekyo, abaire yagiire omuri rukundo na Charles Balisiimaki.

Jaffar Kyomya, ceeyamaani w’ekyaro ekya Kyema nashoborora ngu bwanyima y’ameezi makye, Nyakato arugire omu kyaro eki yaaza kutuura Kampala kuhisya wiiki ehwaire obu ateire Balisiimaki esimu arikumushaba obuhwezi bw’esente z’okutwara emitumbi y’abarongo abu agizire ngu enda yaabo ekarugamu. 

Balisiimaki amusindikiire Sh200,000.

Omu mwabazyo gw’orwamukaaga ebiro 12.04.2025, Nyakato agarukire omukyaro kya Kyema aretsire eshanduukye 2 ezirikugambwa kuba zibaire zirimu emitumbi y’abarongo.

Nyakato ku ahikire omu kyaro yasigaho eshanduukye yabuza amaisho kandi aizire kukwatirwa omu loogi aha Sande ebiro 13.04.2025 omu tauni ya Kyema. 

Abatuura ku bagiire kukyebera eshanduukye bashanga hataine kirimu.
 
Balisiimaki ajumiriire ebikorwa bya Nyakato ebi arikugira ngu bimushwarize omu maisho g’abazaire be, abanyabuzaare n’omu bantu boona.

#WestUpdates