Ebitengure ebi biretsirweho enjura nyingi egwire omu kicweka eki nyomwebazyo ebiro 27.11.2024. PHOTOS by Uganda Red Cross.

N’ebya Omushaki weitu

BULAMBULI

Abantu 13 nibo baherize kuhamibwa kuba bafiire bwanyima y’ebitengure kushweka ebyaro byabo omu gomborora eya Buluganya omu disiturikiti eya Bulambuli.

Ebitengure ebi biretsirweho enjura nyingi egwire omu kicweka eki nyomwebazyo ebiro 27.11.2024.

Ebyaro ebikirizeyo kuteganisibwa harimu: Masubu, Nameche Trading Centre, Mamono, Tangalu, Buzemulili na Masoola byona ebirikushangwa omu gomborora eya Buluganya.

Okurugiirira aha kitongore ekya Uganda Red Cross Society, emitumbi y’abantu 13 niyo yaherize kwihwa omu bikoote ebishwekire amaka gaabo.

Wamala naagira ngu ahabw’enjura nyingi erikugwa ebiro, ebicweka bingi by’eihanga biteganisiibwe ebizibu ebiretsirweho empinduka y’obwire ebirimu omwegyemure, ebitengure n’ebindi.

Ekitongore eki nikigira ngu enjura egi esigire amaka 40 gazikirwe ebitengure ebi kandi agandi gasisikireho ekicweka.

Ekitongore ekya Red Cross kirikukwatanisa n’abeebembezi b’omu kicweka ekyo hamwe n’abatuura bariyo nibakora ekirikubasika kwihayo abandi bantu abakubaasa kuba bakibandaamiriirwe ebitengure ebi.

John Cliff Wamala, omugambirizi omu kitongore ekya Red Cross naagira ngu bariyo nibetegyereza n’okushwijuma embeera kureeba oku barahwere abantu abateganisiibwe.

Wamala naagira ngu ahabw’enjura nyingi erikugwa ebiro, ebicweka bingi by’eihanga biteganisiibwe ebizibu ebiretsirweho empinduka y’obwire ebirimu omwegyemure, ebitengure n’ebindi.

Nashaba abantu okuza aha buzoora maisho kandi bagume bamanyise ab’obushoborozi omu bwire haheza kubarukaho ekigwererezi nk’ebi.

#WestUpdates