Eishomero omuri Bulambuli rikingire ahabw’ebitengure.

Eishomero omuri Bulambuli rikingire ahabw’ebitengure.

N’ebya Leonard Mukooli

Eishomero erya Masugu Primary School omu gomborora eya Buluganya omu disiturikiti eya Bulambuli rikingirwe bwanyima y’okuteganisibwa ebitengure kuhisya obu haraabeho okumanyisibwa okundi.

Aharwakana orwa wiiki ehwaire, ebitengure biteire disiturikiti eya Bulambuli byayita abantu 5, abandi baingi baasigara bataine h’okwegyeka orubaju kandi egarukire yaashiisha ebintu nk’amaju g’abashomesa, ebibiina n’ebindi.

Angella Nandudu, mukuru w’eishomero eri nibagira ngu oihireho ebikwato by’eishomero kushwekwa ebitaka beitu tibaine n’esente z’okukora emirimo y’eishomero.

Irene Muloni, Omuny’ishengyero-kazi owa Bulambuli yaahamya okukingwaho kw’eishomero erya Masugu Primary School ahabw’okwenda kurinda abeegi n’abashomesa.

Naagira ngu abeegi abaingi nibatiina n’okugaruka aha mashomero ahabw’okutiinirira amagara gaabo.

Muloni nayongyeraho ngu gavumenti kurabira omu ofiisi y’enganzi y’eihanga eriyo neteekateeka aha ky’okufurura abatuura abateganisiibwe ebitengure kubatwara omu mwanya ogundi ogutarimu kabi koona.

#WestUpdates