Bamwe omuri ba rooya omu kooti ejurirrwamu omuri Fort Portal nyomwebazyo ebiro 13.10.2024. PHOTO: Doreen Nasiima

Kooti ejurwamu omuri Fort Portal etandikireho kuhurira emishango erikuhika 26 erikuza kuhurirwa kumara ebiro 3. Ahari egi, 13 n’ey’obwitsi, 9 n’ey’okutoroboza, 2 n’ey’obushuma kandi 2 eri n’ey’okuhamba.

Kooti egi n’ey’okwebemberwa abaramuzi 3 abarimu Justice Geoffrey Kiryabwire, Justice Muzamiru Kibeedi, hamwe n’omuramuzi-kazi Margeret Tibalya.

Samuel Muhumuza ojwekyeire Purezidenti wa ba rooya naagira ngu nikibashaasha kushanga ngu kooti erikujurirwamu niyo ekirizeyo kukora kubi omwaka ogu ahi babaasize kukora ahamishango erikuhika obucweka 7 ahari 100 (7%) y’emishango ei baine kukoraho.

Omuramuzi omukuru wa kooti ya Fort Portal nayoreka nk’oku omumwaka gwa 23/24 emishango erikuhika 1,242 ahari egyo 378, yaarugire omumyaka y’enyima, obwe erikukirayo eri eya Criminal 522 kandi omuri za kooti ento 3,465 kuruga omu disturikiti zoona eziri ahansi ya Fort Portal.

Samuel Muhumuza ashabire ku ekiragiro ekya National Legal Aid kihinguzibwa nikwo abantu abateine sente z’okushashura ba rooya nabo batungye okuhurirwa omuri za kooti.

Justice Bateema yagira ngu nibateekateeka kukyendeeza ahamishango ei barikukoraho barikukozesa za kooti zirikushutama omubyanga kandi omubwire butari bwa hare n’ab’okwongyeraho omubaro gw’abaramuzi abakuru bakahika 35. 

#WestUpdates