Gavumenti etongoizeho purogyekiti y’okweitirira emisiri omuri Kandaga...(Photo by Eli Akiza)

N’ebya Eli Akiza

Rukiga:

Gavumenti kurabira omu minisiture y’amaizi n’eby’obuhangwa etongoizeho purogyekiti y’amaizi g’okukozesa omumaka hamwe n’okweitirira emisiri ahabw’abatuura b’omuruka gwa Kandago abarugire omu bisharara bekundiire.

Purogyekiti egi neija kuheezaho shiringi biriyooni 1.5.

Purogyekiti egi neija kuheezaho biriyooni 1.5...(Photo by Eli Akiza)

Abatuura b’ebyaro 9 by’omuruka gwa kandago oguhereire ekisharara kya Rushebeya – Kanyaba omu disiturikiti ya Rukiga batungire akamwenyo bwanyima ya Gavumenti kutongozaho okubakorera amaizi g’okweitirira ebihingwa byaabo.

Purogyekiti egi eri ahansi ya program eya Green Climate Fund (GCF)

Eki kikozirwe ahansi ya purogyekiti erikumanywa nka Green Climate Fund (GCF) eyatandikirweho kuhwera abatuura omu myanya ehereire ebisharara omu disiturikiti zirikuhika 25 omu Uganda.

Abantu barikurenga 3,500 nibaija kuganyirwa omu purogyekiti egi...(Photo by Eli Akiza)

Purogyekiti egi yaaba yahwaire neija kuba neha abantu amaizi g’okweitirira ebihingwa, ag’okukozesa omumaka hamwe n’ebidiiba by’okuriisizamu ebyenyanja byoona ebigyendereire kutunguura emituriire y’abantu barikurenga 3,500 omu kicweka eki.

#WestUpdates 
#RadioWestAt25