Orukiiko oru rubaire aha kitebe kikuru ky’amahe ga SFC omuri Entebbe. Courtesy photos

N’ebya Omushaki weitu

Mukuru w’amahe g’eihanga, Gen Muhoozi Kainerugaba, agizireho ekigaaniiro na ambasada wa Turkey, Mehmet Fatih AK hamwe na mukuru w’amahe g’eihanga erya Turkey, Lt. Col. Caner Sağlam.

Gen Muhoozi Kainerugaba, Mukuru w'amahe g'eihanga n'abagyenyi be kuruga Turkey.

Omu kigaaniiro kyabo ekibaireho Orwakabiri ebiro 19.11.2024, Gen Kainerugaba nabwo ari omuhabuzi mukuru wa Purezidenti aha mirimo y’omutaano n’abagyenyi be baagaaniire aha nshonga z’okutunguura eby’entaasya hamwe n’eby’okwerinda ahagati y’amahanga ya Uganda na Turkey.

Gen. Kainerugaba abugaineho ambasada wa Turkey bahamya omukago.

Orukiiko oru rubaire aha kitebe kikuru ky’amahe ga SFC omuri Entebbe.

Gen Muhoozi Kainerugaba n'abagyenyi be kuruga Turkey.

Ekihandiiko ekishohoziibwe ofiisi ya mukuru w’amahe g’eihanga nikyoreka ngu amahe ga UPDF giine entebeekanisa z’okwija kugura ebikwato ebindi kuruga omuri Turkey nk’akamanyiso k’okuhamya enkwatanisa.

Ekihandiiko nabwo nikyoreka ngu Turkey okukorera emirimo yaayo omu Uganda n’akamanyiso k’amaani ahi kampuni za Turkey zibaasize kukora ahari purogyekiti zitari zimwe ezirimu okwombeka ekishaayi ky’eby’emizaano omuri Hoima ekikiriyo nikyombekwa hamwe n’omuhanda gw’egaari y’omwika ogwa Standard Gauge Railway ogurikunywanisa Tororo kuza Kampala.

Kampuni ezindi eza Turkey nabwo ziriyo nizikora ahari purogyekiti zitari zimwe z’enguuto nk’orwa Apac-Lira.

#WestUpdates