Gen. Kainerugaba abugaineho mukuru omu mahe ga China. Courtesy Photos.

N’ebya Charles Etukuru

Entebbe

Mukuru w’amahe ga UPDF, Gen. Muhoozi Kainerugaba aharwakashatu 31.07.2024 abugaineho Col. Zhang Hao, omujwekyerwa w’amahe ga China omu Uganda aha kitebe kikuru ky’amahe ga Special Forces Command omuri Entebbe.

Omu rukiiko rwabo, Gen. Kainerugaba na Col Hao asiimire enkwatanisa eri ahagatai ya Uganda n’abantu ba China kandi omukago ogu gureteire amahanga aga abiri gaganyirwamu.

Amahe ga UPDF omu kihandiiko ekigashohoize nyomwebazyo ebiro 31.07.2024 nikyoreka ngu Col. Zao na Gen. Kainerugaba baraganiise kuhamya enkwatanisa ahagati y’amahe ga Uganda na China ahabw’okwenda kurinda obusingye n’okureetaho entunguuka omu mahanga aga.

Enyimaho kakye, Gen. Kainerugaba abaire yabugaineho entumwa ya China mu Uganda bwanyima y’ebiro bikye aheeruze kubuganaho abakuru kuruga omu kampuni y’aba China eya China North Industries Group Corporation Limited (NORINCO).

#WestUpdates