Gen. Muhoozi abugaineho entumwa ya China, baraganiise kuhamya omukago. Courtesy PHOTOs.

N’ebya Omushaki weitu

ENTEBBE

Mukuru w’amahe g’eihanga, Gen. Muhoozi Kainerugaba agizireho ekigaaniiro n’entumwa ya China omu Uganda, Zhang Lizhong ahi baganiire ahari za purogyekiti zitari zimwe ziriyo nizikorwa omu bitongore by’amahe.

Omu rukiiko rwabo orubaire aha kitebe kikuru ky’amahe omuri Entebbe nyomwebazyo, entumwa ya China omu Uganda Zhang ayorekire okwehayo kwe omu kuhamya omukaago ahagati ya China na Uganda. 

Gen. Muhoozi abugaineho entumwa ya China, Zhang Lizhong baraganiise kuhamya omukago.

Agambire emyanya ei barikuza kuta amaani harimu; eby’obushuubuzi n’amakorero, eby’entaasya y’eihanga, eby’obuhangwa n’ebindi.

Omu bigambo bye, Gen. Muhoozi asiimire okwehayo kwa China omu kuhamya omukaago gwa Uganda na China.

#WestUpdates
#RadioWestAt225