Omugyenzi Tamale Mirundi. PHOTO: The New Vision

Obukomooko bwa Tamale Mirundi

N’ebya Umaru Kashaka   

Ahabunaku bw’okufa kwe, nyomwebazyo Orwakabiri ebiro 13.08.2024, owaatambwizeho empapura z’amakuru obwa hati abeire ari omugambirizi w’ekibiina kya Patriotic League of Uganda ahabw’ekyanga ekya Buganda

Ekibiina eki, ekyabeire nikimanywa nka MK Movement, nikyebemberwa Gen. Muhoozi Kainerugaba omuduumizi w’amahe kandi omuhabuzi mukuru wa purezidenti.

Mirundi nabwo abeire yahindukire omwe omubagambi b’amaani ahambeera y’emituurire y’abantu hamwe n’eby’obutegyeki omu ihanga abatarikufutana bigambo ku kirikuhika ahakuha ebiteekateeko byabo ahanshonga yoona.

Akahandiika ebitabo bingi, ebi baingi abatarikwikirizana nawe baayetsire, obutabo bukye kandi buriijo akaba otunga emiringo y’okubigambaho ku yaabeire aba ari ahambeho za reediyo ninga Tiivi.

Akaba agira ngu ebitabo bye birimu amakuru g’obushoboorozi kandi tibirikuseera.

Nyina, Molly Mirundi, akahurirwaho omukugaaniiraho kumwe n’abanyamakuru emyaka mikye ehingwire agumize ngu tarikumanya myaka ye yonyine beitu ngu akaba nateekateeka ngu akazaarwa ahagati y’omugwa 1960 n’ogwa 1964 omukyaro kya Mitale omudisiturikiti ya Rakai.

Akaba ari omwana we (Molly) wa 9 kandi ishe akaba ari Tamale Mirundi.

John Kakande, kirinju omuby’amakuru agambeire TV West aharwakashatu ngu akamanya Mirundi kuruga omugwa 1986 obu atandika kukora omurimo gw’eby’amakuru

Beitu Kakande agizire ngu obwire obwo, Mirundi akaba ari omushaki w’amakuru n’orupapura rw’amakuru orwabeire ruri orw’ekelezia.

“Akaba ayeteekateekyera eky'okukora, ari omukozi munonga kandi arikukunda munonga omurimo gwe gw’eby’amakuru. Ku yaabeire ayikiriza ekintu, akaba atakihungaho,” nikwo Kakande agizire.

Agarukire yaijuka yaagira ngu Mirundi, ou agizire ngu akaba akira kuza ahabigaaniiro by’eby’obutegyeki ahambeho omuri Kampala, akaba agamba ekimuri ahamutima.

“Omukubanza akaba ari omunyamakuru omuhaahi (critical) w’amaani ku enshonga zaabeire ziba niikwata ahari Gavumenti na bwanyima Purezidenti Museveni yaija yaamuha omurimo nka mukuru w’eby’amakuru ag’ebya mukuru w’eihanga,” nikwo Kakande agizire.

Oku omurimo gwe ogu gwahendeire omugwa 2015 okwamushanju kubaire kutakeetegyereziibwe n’okuhisya ahakufa kwe.

“Niimanya akagirayo okuharangatana okwo omumaka g’obwa Purezidenti n’abantu abu yaabeire nateekateeka ngu tibashemereire kuba abagambirizi ba mukuru w’eihanga kwonka kandi nabwo nimanya ngu akaba ari omuntu orikukundwa munonga kandi ari omunyambabazi ahabantu abu yaabeire naakiza ekitiinisa,” Kakande nikwo agizire.

Okusiima Museveni

Harikuburayo nk’omwaka gumwe ahancuro y'omumurimo gwe nka mukuru w’eby’amakuru g’obwa Purezidenti, Mirundi akagambira abashaki b’amakuru ngu n’obu baakuba batamuhaire ndagaano endiijo y’omurimo ogu, akaba atarikwija kwetomboitwa.

Akaba akira kwehuriza obugaiga bwe obu yaihire omumurimo ogu.

“Nkaza omumaka g’obwa Purezidenti kwonka reeba ebi mbaasize kukora! Purezidenti akanshomesa nyowe n’abaana bangye omu Yunivasite zimwe omuz’amaani omu ihanga rya Scotland,” ngu nikwo yaagizire.

Akagumizamu yaagira ngu, okujuna nyina kuruga omuminyeto eyaabeire eteireho akeesharingo karikushagika okwebembeza Buganda omugwa 2009, Purezidenti Museveni akakora kihango omumagara gye n’ab’eka ye.

Mirundi naijukwa ahabw’obutaikirizana bwe n’okugamba munonga ahabutegyeki bwa Buganda, n’obu yaabeire ari mukuru w’eby’amakuru g’obwa Purezidenti.

Akaba omwe omubantu abaabeire batarikutiina bwisho omukugamba ebibari ahamitima abaagiireho omumakuru g’obwa Purezidenti. 

#WestUpdates