Kooki rurangaanwa Barnabas Mwesiga afiire..(Photo by Aloysius Byamukama)

Kooki Barnabas Mwesiga afiire

N’ebya Aloysius Byamukama

Ekigombe ekirikukurira omupiira gw’ebigyere omu eihanga ekya FUFA kyahayo okusaasirwa ahabw’okufa kwa kooki rurangaanwa Barnabas Mwesiga.

FUFA negira ngu Mwesiga akakora kihango omuby’omupiira gw’ebigyere obwo arikukora nk’omuzaani, kooki hamwe n’ow’obushoboorozi.

Mwesiga akazaana omu tiimu ya Uganda Cranes omugwa 1978 omumpaka za AFCON eyahikire ahari kamariirizo z’empaka ezi.

Ogu akasinguraho ekikopo kya Uganda Cup na Nsambya FC omugwa 1978 kandi akaimutsya ekikopo kya CECAFA na Uganda Cranes omugwa 1973 na 1977.

Akatendekaho Uganda Cranes kwiha 1985-1988. Mwesiga akazaaniraho tiimu ezindi nka Nsambya FC, Kilembe FC na Mbarara FC. 

#WestSports