Mukuraatire engyenderwaho z’okutunga Obureeberezi – Aakibiishopu Kaziimba

Mukuraatire engyenderwaho z’okutunga Obureeberezi – Aakibiishopu Kaziimba

N’ebya Angella Naturinda

Aakibiishopu w’ekanisa ya Uganda, Dr. Stephen Kaziimba Mugalu yaahabura abakurisitaayo omu disiturikiti ya Sheema okukuratira engyenderwaho ezihikire kushaba obureeberezi obwabo.

Ebi yaabigamba eriizooba obu yaaba akuriire okushaba ahakanisa ya St. Peter’s Cathedral ahakashozi Bweranyangi.

Aakibiishopu arikushabira Deputy Speaker na Hon. Mwijukye

Abakurisitaayo omu disiturikiti ya Sheema nibashaba kutunga obureeberezi obwabo obwa Central Ankole Diocese oburikwija kushutama ahaburiisa bwa St. Emmanuel, Kabwohe omu tauni ya Kabwohe.

Aakibiishopu Kaziimba yaagira ngu abakurisitaayo baaba nibenda obureeberezi obwabo bashemereire kukuratira engyenderwaho ezihikire.

Dickson Kateshumbwa, Omuny’eishengyero wa Sheema Munisiparite yaasiima Aakibiishopu Kaziimba ahabw’okushoborora abakurisitaayo ahanshonga egi beitu hoona yamushaba okushohoza ekihandiiko arikugamba aha dayosiisi eya Central Ankole.

#WestUpdates