Purezidenti Yoweri Museveni na Minisita w'eihanga ow'enshonga z'eminyeeto n'abaana Dr. Balaam Barugahara aha ruteerane rw'eminyeeto aha kishaayi ekya Booma omuri Masindi ebiro 20.09.2024. PHOTOs: PPU.

N’ebya Omushaki weitu

MASINDI

Purezidenti Yoweri Museveni ashabire abantu b’omu kyanga ekya Bunyoro okurangiriira ku obworo bwihwireho obwo barikuta omunkora puroguraamu y’entunguuka y’emiruka eya Parish Development Model (PDM).

Purezidenti agambire ebi obu nyomwebazyo ebiro 20.09.2024 aha ruteerane rw’eminyeeto b’omu kyanga ekya Bunyoro orubaire aha kishaayi kya Booma omu disiturikiti eya Masindi.

Purezidenti Museveni yaheza kuhika aha kishaayi kya Booma omuri Masindi aha ruteerane rw'eminyeeto y'omu kyanga ekya Bunyoro Orwakataano ebiro 20.09.2024.

Museveni akyorekire ngu abantu abagaiga baheza kutaho purogyekiti z’entunguuka nka minisita w’eihanga ow’enshonga z’eminyeeto n’abaana, Dr. Balaam Barugahara owatandiikireho hoteeri ya kanyina 5 omuri Masindi nibareetera abantu batunga emirimo.

Bamwe omu beebembezi b'omu kyanga ekya Bunyoro barikwakiira Purezidenti Museveni aha kishaayi kya Booma omuri Masindi aha ruteerane rw'eminyeeto y'omu kyanga eki.

Purezidenti Museveni nabwo ashabire abantu abahikire aha ruteerane oru okukopa abariisa n’abahingi ababaasize kuba abasinguzi abarimu Richard Nyakaana owa Rwengaju omuri Fort Portal mna Fred Byamukama- minisita w’eihanga ow’eby’entambura kandi Omuny’ishengyero owa Bugangaizi abayejumbiire omunkora eya Four-Acre Model puraani kandi bakaba abasinguzi oteireho n’okuheereza abantu emirimo.

Purezidenti Yoweri Museveni ashabire abantu ba Bunyoro okwejumbira omu buhingi n’oburiisa obw’esente baaba nibenda kurwanisa obworo n’okwongyerera ahantaasya y’amaka gaabo.

Purezidenti Museveni yaheza kuhika aha kishaayi kya Booma omuri Masindi aha ruteerane rw'eminyeeto y'omu kyanga ekya Bunyoro Orwakataano ebiro 20.09.2024.

Ahanshonga y’abeebembezi b’obukiiko bw’ebyaro kuganyirwa omu puroguraamu ya PDM, Museveni araganiise kuganiira enshonga egi n’aba minisita kureeba ngu nabo okubaganyirwa omu puroguraamu egi.

#WestUpdates