Purezidenti Yoweri Museveni aha mikoro y'ekiro ky'eminyeero omuri Kabale. PHOTOS: Eddie Ssejjoba.

N’ebya Beth Akatukunda

KABALE

Purezidenti Yoweri Museveni aharwakataano atongoizeho puroguraamu y’eminyeeto ey’ekigombe ky’amahanga ageteraine eya shiringi biriyooni 82 omu disiturikiti eya Kabale.

Eminyeeto erikuheereza Purezidenti Yoweri Museveni engabo n'eicumu aha mikoro y'ekiro ky'eminyeeto omuri Kabale.

Ebi bibaireho aha mikoro y’okujaguza ekiro ky’eminyeeto ekya International Youth Day ahansi y’omutwe; “Accelerating Recovery from COVID-19 and full implementation of the 2030 agenda; the role of youth.”

Purezidenti Yoweri Museveni arikurambura eminyeeto aha mikoro y'ekiro ky'eminyeeto omuri Kabale.

Ekiro eki nikijaguzibwa buri biro 12/08 buri mwaka kubaasa kuganiira aha nshonga ezirikuteganisa eminyeeto aha rurengo rw’eihanga n’okutaho oburyo bw’okuzigonjoora.

Purezidenti Yoweri Museveni arikurambura eminyeeto aha mikoro y'ekiro ky'eminyeeto omuri Kabale.

Michael Wangusa, Omugambirizi omu ofiisi y’omushuganisa omu kigombe ky’amahanga egeteraine omuri Kampala, agizire ngu ekicweka ky’okubanza kya puroguraamu egi nikija kuteebwa omu kora omuri za disiturikiti 8 omu byanga 4 by’omu Uganda kuruga omu mwaka gwa 2023 kuhisya 2025.

 “Puroguraamu egi neija n’okutwara omuri za disiturikiti ezindi, esente zaheza kureebuka, Wangusa arikugamba omu kihandiiko eki ashohoize bwanyima y’okuheeza kutongozaho puroguraamu egi.

Naagira ngu puroguraamu egi neija kuteebwa omunkora ebitongore 13 by’ekigombe ky’amahanga ageteraine omuri ekya Food and Agriculture Organization, International Labor Organization, International Organization for Migration, the Joint United Nations Program on HIV/AIDS, United Nations Educational, Scientific and Cultural Organization na United Nations Population Fund.

Ebindi ebitongore ni; United Nations High Commissioner for Refugees, the United Nations Children's Fund, the United Nations Office on Drugs and Crime and the World Health Organization UN Women with Uganda’s Ministry of Gender, Labour and Social Development as lead Ministry, na National Youth Council.

#WestUpdates