Museveni yahika aha mushomo gw’eby’obushuubuzi ogwa Uganda na EU. Photos by Mpalanyi Ssentongo.

N’ebya Nelson Mandela Muhoozi

MUNYONYO, KAMPALA

Purezidenti Yoweri Museveni yahika aha mushomo gw’eby’obushuubuzi ahagati ya Uganda n’ekigombe ky’amahanga aga Buraaya ogw’omurundi gwa kashatu eriizooba ebiro 06/03/2024.

Museveni yahika aha mushomo gw’eby’obushuubuzi ogwa Uganda na EU.

Omushomo ogu gwetabirwemu abantu barikurenga omuri 3,600 kandi nigugyendera ahansi y’omutwe,” okwongyera amaani omu by’obushuubuzi n’amakorero. Uganda ekabaasa kuganyirwa eta omu katare k’ensi yoona nari “Boosting Trade and Investments-how can Uganda gain from the global gateway”?

Arikugambira omu mushomo ogu ahari Speke Resort Munyonyo omuri Kampala, Minisita w’eihanga ow’eby’amatungo, Lt. Col. Bright Rwamirama ashabire abanyamyooga omu by’entunguuka okukoresa emigisha eri omu Uganda kuta sente zaabo omu kitongore ky’eby’obuhingi n’oburiisa.

Omushomo ogu gwetabirwemu abanyamyooga omu by’entunguuka kuruga omu mahanga nka; France, German, Netherlands, Portugal, Ireland, Sweden na Poland n’agandi maingi.

Van Ettro, Orikukora nka Ambasada wa Netherlands omu Uganda agambire abanyamyooga omu by’entunguuka ngu Uganda arimu emigisha mingi.

Dr. Ian Clarke, Mukuru w’ekitongore ekya Clarke Farms agizire ngu omu myanya y’ebyaro niyo abantu barii kandi okwo niyo ba Invesita bashemeriire kuza bakatandika emirimo.

Okurugiirira ahari Ambasada Ettro, ekigombe ky’amahanga ga Buraaya kukorera hamwe na Uganda nikija kuhweraho omu kutunguura eby’obushuubuzi.

Naagira ngu hariho ekyetengo ky’okutandikaho emirimo y’eminyeeto erikurenga omuri 700,000 abarikuba nibaronda emirimo buri mwaka.

#WestUpdates