Gavumenti eyemeriize ekiragiro ky’okuzibira okuguza enyama omuri Kampala.

N’ebya Omushaki weitu

KAMPALA

Gavumenti eyemeriize ekiragiro ky’okwemereza kuguza enyama omu rurembo Kampala ekibaire kiteirweho ahabw’okubarukaho kw’endwara y’ejwa.

Wiiki ehwaire, Lt. Col. Bright Rwamirama- Minisita w'eihanga ow'eby'amatungo arangiriire ku minisiture eteireho ekiragiro ky'okwemereza okutambuza amatungo n’ebirikuruga omu matungo ago kutaaha nainga okushohora omuri Kampala nikwo kuragiira ngu emyanya yoona ey’okubagiramu ekingweho kwenda kurwanisa okujanjaara kw’endwara egi.

Obwa hati, Minisita w’enshonga za Kampala, Hajjati Minsa Kabanda agizire ngu ekiragiro eki kyemereziibwe obwo gavumenti erikugumizamu n’okushwijuka n’okwetegyereza endwara egi omu rurembo.

Beitu hoona, Kabanda nashaba abantu obutoosha kuguma nibabanza bakyebeza amatungo gaabo batakagabagire.

Abashuubuzi babaire bahakaniise ekiragiro ky’okwemereza okuguza enyama omuri Kampala obwo barikujunaana gavumenti ahabw’okuremwa kurwanisa okujanjaara kw’endwara y’ejwa.

Endwara y’ejwa egambirweho omuri za disiturikiti 40 okwetorora eihanga.

#WestUpdates