Purezidenti Museveni nashaba abanya Uganda obutashagika emishuuburo ey'aheeru barikwejunisa tekinologiya...(Photo by PPU)

‘Mutejunisa tekinologiya kwiha emishuuburo aheeru y’eihanga’ - Museveni

N’ebya Omushaki Waitu

Purezidenti Yoweri Museveni nahabura abanya Uganda obutakoresa eby’amakuru na tekinologiya kwiha emishuuburo aheeru y’eihanga.

Purezidenti Museveni naagira ngu abanya Uganda bashemereire kwejunisa tekinologiya kugura emishuuburo eri omu eihanga hamwe n’okugirondera akatare aheeru.

Purezidenti naagira ngu abanya Uganda bashemereire kushagika emishuuburo erikukorerwa aha omu Uganda...(Photo by PPU)

Purezidenti ebi abigambire nyomwabazyo obu abaire akuriire oruteerane rw’eby’emirimo n’ebya tekinologiya orw’omurundi gwakabiri orubaire ahakishaayi ekya Kololo.

Purezidenti naagira ngu abanya Uganda bashemereire kushagika emishuuburo erikukorerwa aha omu Uganda...(Photo by PPU)

Purezidenti akyoreekire ngu tekinologiya nerahutsya emirimo kandi neyanguhira abantu, enshonga ahabw’enki nashagika eky’okwejunisa tekinologiya n’ebya kanyabwengye omu buheereza bwa gavumenti bwona.

Omukoro ogu gukoreirwe ahakishaayi Kololo nyomwabazyo...(Photo by PPU)

Beitu hoona ayehanangiriize abanya Uganda n’amahanga agandi omuri Africa obutahugira aha tekinologiya yonka bakeebwa ebyetengo ebindi nk’ebyokurya, oburaaro, okujwara, eby’amagara, eby’okwerinda n’ebindi byona ebirikuhwera omu kutunguura entaasya y’amahanga.

#WestUpdates