Obama aguzire piki egi shiringi miriyooni 5.3 bwanyima y’aba memba 30 b’ekigombe eki kumuhikirira barikumushaba obuhwezi bw’okubahwera kukanyisa aha ntaasya yaabo.

N’ebya Peter Abaanabasazi

HOIMA

Abavugi ba boda-boda omu kyanga ekya Bunyoro bashabirwe kwejumbira omu kubiika nk’omuringo gumwe ogurikwija kubahwera kwetunguura.

Omuny’ishengyero owa Hoima East division, Dr. Patrick Mwesigwa Isingoma Obama naagira ngu hariho ekyetengo ky’abantu na munonga abavugi ba boda-boda kwejumbira omu kubiikira nyensya.

Obama agambire ebi aha Sande obu abaire naheerezayo piki piki nsya y’ekika kya Bajaj ehandiikirwe omu namba ya UGB 819J aha kigombe ky’abavugi ba boda ekya Twekambe shell stage Boba-boda number one group omu kyaro kya Kicwamba omuri Hoima west divijoni.

Obama aguzire piki egi shiringi miriyooni 5.3 bwanyima y’aba memba 30 b’ekigombe eki kumuhikirira barikumushaba obuhwezi bw’okubahwera kukanyisa aha ntaasya yaabo.

Obama ahigire abavugi ba boda-boda okuguma aha muramwa kandi abarabwire okwerinda okukoresa esente zaabo ezibarikututukira kuzita omu bintu ebitarimu ntunguuka yoona nk’okunywa amaarwa, obushambani n’ebindi.

Nakyoreka ngu kurabira omu kubiika, nibeija kubaasa kutunga za looni kuruga omuri za banka batiine kutiina kwona arikwongyeraho ngu abantu baingi babaasize kwetunguura kurabira omu kuvuga boda-boda.

David Wamani Ssalongo, Ceeyamaani w’ekigombe eki asiimire Omuny’ishengyero waabo ahabw’okubakwatiiraho kureeba ngu bayetunguura.

#WestUpdates