Uthman Mugisha Kadiri owa NRM osingire akaruuru k'entebe ya ceeyamaani wa disiturikiti ya Hoima.

NRM esingire akaruuru k'entebe ya kataano - Hoima.

N’ebya Omushaki Waitu

HOIMA

Ekibiina ky'eby'obutegyeki ekiri omugavumenti ekya NRM kisingire akaruuru ka ceeyamaani wa disiturikiti ya Hoima.

Uthman Mugisha Kadiri, obaire akwatsire ebendera ya NRM omu karuuru aka arangiriirwe orikukurira eby’okuteeza akaruuru omu disiturikiti eya Hoima, Kasande Merab nk’osingire akaruuru aka.

Mugisha asingire n’oburuuru 18,353 kandi obaire amukuratiire Muhumuza Vincent Savannah (Independent) aihireyo oburuuru 12,020. 

Aguuda Moses owa NUP abaire owakashatu atungire oburuuru 3,972, Patrick Musinguzi owa FDC aihireyo oburuuru 271 kandi Mugume Lennox atungire 179.

Uthman Mugisha naaza omu bigyere by'ishe Kadiri Kirungi owagwire omuri butandu omu kwezi kwa kashatu, 2023.

Mukuru w’akakiiko k’eby’oburuuru, Simon Mugenyi Byabakama naagira ngu akaruuru aka kabaire ak’obusingye n’oburingaaniza.

#WestUpdates