NewVision Reporter 
Nikigambwa ngu obu Bobi Wine abaire naaza omu tauni kanso ya Kigorobya, emotoka emwe etungire obuzibu bwareetaho akamigano.
N’ebya Peter Abaanabasazi
HOIMA
Pooriisi omuri Hoima eriyo necondooza oku omuntu omwe afeereire omuri butandu y’ahanguuto obu Purezidenti w’ekigombe ekya National Unity Platform (NUP) orikumanywa munonga nka Bobi Wine afeire naraba omu tauni kanso ya Kigorobya.
Bobi Wine, ori omu disiturikiti eya Hoima kusherura obushagiki bwa Moses Aguda, okwatsire ebendera ya NUP omu karuuru akarikuza kugarukwamu kutoorana ceeyamaani wa disiturikiti eya Hoima ahikire omu disiturkiti aharw’okubanza kandi enkumi n’enkumi z’eminyeeto abarimu n’abavugi ba boda-boda beshukire ahanguuto kumureeba.
Purezidenti wa NUP, Robert Kyagulanyi arikurondera owa Moses Aguda, okwatsire ebendera ya NUP omu karuuru ka Hoima ak'okugarukamu kutoorana ceeyamaani wa disiturikiti egi aharwakana. Photos by Peter Abaanabasazi.
Nikigambwa ngu obu Bobi Wine abaire naaza omu tauni kanso ya Kigorobya, emotoka emwe etungire obuzibu bwareetaho akamigano.
Omugambirizi wa Pooriisi ahabw’ekyanga ekya Albertine, Julius Hakiiza naagamba omugyenzi nka; Norman Mugisa, omutuura wa Kiryateete West omu rurembo orwa Hoima kandi omukozi wa Bugimba Tauni Kanso omu disiturikiti eya Kikuube.
Nayongyeraho ngu eki kibaire omu kyaro kya Mupunda omu gomborora eya Kitoba ahari shaaha nka 11 n'ekicweka z’omwabazyo bwanyima y’emotoka emwe kwemerera ekitaraaririine reero omuvugi w’emotoka nikwo kugitahiramu.
Hakiiza nayongyeraho ngu abantu 10 batungire obuhuta ahabw’akamigano akabaireho kandi bairukangiziibwe ah’eirwariro erihango erya Hoima kutunga okuragurirwa.
Bobi Wine naagira ngu ekireetsireho butandu egi n’okuvugisa ekimama arikwongyeraho ngu Pooriisi eriyo necondooza.
Abantu ba Hoima nibaija kuteera akaruuru k’okutoorana ceeyamaani wa disiturikiti omusya aharwakana ebiro 14/09/2023.
Abandi abarikuhayanira entebe egi barimu; Uthman Mugisa owa NRM, Patrick Musinguzi owa FDC hamwe na Vincent Savannah Muhumuza na Lennox Mugume abesimbireho nk'abataine kigombe kyona.
#WestUpdates
