Okutahirirwa kwa Kasese: Omubaro gw’abafiire gwahika 44

Okutahirirwa kwa Kasese: Omubaro gw’abafiire gwahika 44

N’ebya Ivan Tsebeni

Pooriisi negira ngu omubaro gw’abantu abafeereire omu kutahirirwa kw’abahekyera ba ADF ah’eishomero erya Mpondwe-Lubhiriha omu disiturikiti ya Kasese hati gwahika 44.

Abantu 43 aharimu abeegi 37 nibo bafeereire omu kutahirirwa kw’ebiro 16/6/2023 ah’eishomero erya Mpondwe-Lubhiriha, eririkushangwa haihi n’ensharo ya Uganda na DR Congo.

Kurugiirira ahari pooriisi, omubaro ogu guhikire 44 bwanyima ya Felistus Mbambu, obaire naragurirwa ah’eirwariro erya Bwera kufa ahabiro 25/6/2023 ahabw’obuhuta obu yatungire.

Abaserukare ba UPDF guzoire omutumbi gw’omwishiki ogubaire guriyo nigujunda, omu eihanga erya DR Congo. Beitu hoona nibagumizamu kuhiiga abahekyera ba ADF.

Ebi bigambirwe Fred Enanga, Omugambirizi wa pooriisi nyomwabazyo omu rukiiko rw’ab’eby’okwerinda n’abanyamakuru orwa buri wiiki ahakitebe kikuru kya pooriisi omuri Naguru, Kampala.

Kurugiirira ahari Enanga, omutumbi oguzoirwe gutwairwe omukabafu ah’eirwariro erya Muhoti Military kukyeberwa kumanya eby’obutonde (DNA).

Kwiha okutahirirwa oku, abantu barikurenga omuri 20 bakwatsirwe ahabw’okugira akakwate n’aba ADF.

Omuri aba harimu dayirekita w’eishomero na mukuru w’eishomero abataine ekibagambire ahanshonga egi.
Beitu hoona abakuru nibagira hatwaireho obuteikirizana omubakama b’eishomero eri.

Ahabiro 18/6/2023, Purezidenti Yoweri Museveni akagira ngu okutahirirwa oku n’okwebinyabwobwa kandi America ekwetsire ebikorwa by’obuzahambuki.

#WestUpdates