Rotary Club eya Mbarara barundana miriyooni 24...(Photo by Adolf Ayoreka)

N’ebya Adolf Ayoreka

Mbarara:

Akasheeshe k’eriizooba, abantu bayerundanira aha Rotary house omu Kiyanja omururembo rwa Mbarara okwetaba omuhururu y'okwiruka okw’omwaka ogu.

Ehururu egi egyendereire okurundana sente z’okugura ebyooma by'okukyebera ekookoro ahari Nsambya Hospital omuri Kampala.

Abantu baahika aha Rotary House omukwiruka okwa cancer run okw'omwaka ogu..(Photo by Adolf Ayoreka)

Omukwiruka oku, rotary clubs eza Mbarara zibasize kurundana miriyooni 24 ezirugira omukuguza kits z'okwirukangiramu.

Ehururu egi egyendereire okurundana sente z'okwombeka ah'okujanjaabira ekookoro ahari Nsambya Hospital...(Photo by Adolf Ayoreka)

Okwirukira okurwanisa ekookoro okurikumanywa nka ‘Rotary Cancer Run’ kukatandika omumwaka gwa 2012 n’ekigyendererwa ky’okutekaho yuniti ya cancer ahari Nsyambya hospital eyabarirwemu biriyooni 9 kandi obwahati nibaburwayo biriyooni 4.

Purogyekiti erikwetenga biriyooni 9 eshemereire kuhwa 2027...(Photo by Adolf Ayoreka)

Aba nibagira ngu ekigyendererwa n’okureeba ngu 2027 yaaza kuhika, biriyooni 4 zaaba zarundainwe okubabasisa kureeta ebyoma by'ekookoro. 

Purogyekiti erikwetenga biriyooni 9 eshemereire kuhwa 2027...(Photo by Adolf Ayoreka)

Okwiruka oku kuhagirwe New Vision, Centenary Bank hamwe n’ebindi bitongore.

#WestUpdates