Okwombeka eigyegyenero ry’amajuta – Hoima

Okwombeka eigyegyenero ry’amajuta – Hoima

N’ebya Ambrose Niwagaba Katoto

Gavumenti ya Uganda hamwe na kampuni ezirikukora omuby’amajuta n’abandi abukirikukwataho bari omu kuhajaana okureeba ngu bata omukono ahandagaano y’okutandika kukora eigyegyenero ry’amajuta omu disiturikiti ya Hoima.

Emirimo y’okuteebeekanisa okutimba amajuta agarikuruga okuzimu agataboneize eriyo negyenda omumaisho omu disiturikiti ya Kikuube hamwe na disiturikiti ya Buliisa na Nwoya kwonka ah’okugagyegyenera tibakatandikyire kuhakora.

Yusuf Masaba ori omugambirizi wa Petroleam Authority of Uganda yagamba ngu beine enteekateeka ibiri emwe ey’okubanza okusindika amajuta Tanga ahansi ya EACOP endiijo n’ey’okwombeka eigyegyenero.
Robert Makondo, omukozi na kampuni ya gavumenti ey’amajuta eya Uganda National Oil Company yaagira ngu gavumenti eri omu kutensa na kampuni ezindi n’abukirikukwataho ahaby’okubagana obujunaanizibwa n’esente ezirakore eigyegyenero.

Masaba hamwe na Mukondo bagamba ngu beitu eki tikirikwija okuremesa Uganda okutandika okushohoza amajuta 2025.

Eigyegenero ry’amajuta eri baarikuza okwombeka Kabale omugomborora ya Kabale omu disiturikiti ya Hoima, omurimo ogurikwija kuheezaho $4bn.

#WestUpdates