Omuriro gukwatsire ekimotoka eki ekibaire kyetoriirwe abakuru omu by’okwerinda kyaheza kugwa, okurugiirira ahari Pooriisi. Courtesy Photo.

N’ebya AFP

NIGERIA

Ekimotoka ky’amajuta g’ebiruka kigwire omuri bukizi bwa bumosho bw’eihanga erya Nigeria kyita abantu 147 abairukangiire aha mwanya ogu ekimotoka eki kigwireho kwihamu amajuta ga petrol agabaire nigatika. 

Amakuru aga gahamiibwe abakuru omu eihanga eryo.

Omuriro gukwatsire ekimotoka eki ekibaire kyetoriirwe abakuru omu by’okwerinda kyaheza kugwa, okurugiirira ahari Pooriisi.

Abandi bantu 100 nibagambwa kuba nibo bahutariire omuri butandu egi kandi bairukangiziibwe omu marwariro gatari gamwe obwo bari omu mbeera mbi.

Ab’eby’okwerinda barabwire abantu obutahika haihi n’ekitomoka ekibaire kigwire bwanyima ya butandu egi kubaho beitu abantu babaire baingi abaizire aha mwanya ogu, nikwo abantu barikuhika 147 kuhendeera baafeire, okurugiirira aha mugambirizi wa Pooriisi, Lawal Adam.

Butandu egi ebaire omu tauni ya Majia omuri bukizi bwa bumosho bw’ekyanga ekya Jigawa shaaha nka 11:30 omu kiro ky’orwakabiri ebiro 15.10.2024, Okurugiirira ahari Adam.

“Ekimotoka ky’amajuta kibaire nikiruga Kano kirikuza Nguru omu kyanga ekya Yobe obu omuvugi w’emotoka egi emuremeriire.”

Omuvugi w’ekimotoka eki otaine ahi ahutiire akomiirwe aha Pooriisi obwo okucondooza kurikugyenda omu maisho.

#WestUpdates