Omuhagizi wa Arsenal atomire ekimotoka yaafa omuri Oyam.

N’ebya Saidi Engola & Hudson Apunyo

OYAM

Omuhagizi wa tiimu ya Arsenal obaire ashemeriirwe ataahiire omu kimotoka ekibaire kyemeriire yaafa omu disiturikiti eya Oyam.

Omuhagizi wa Arsenal omanyirwe nka Alfred Otto,43, abaire navuga piki arikutaaha arikuruga kureeba omuzaano gwa Arsenal na Manchester United aguzaanirwe aha Sande ebiro 12/05/2024 ahi Arsenal esingire Man U na gooro 1 ahari 0. 

Otto ataahiire omu kimotoka ekihango ekibaire kyemeriire aharuguuto orwa Kamdini-Gulu nikwo kufeeraho.

Orikukurira Pooriisi y’ebyahanguuto omu disiturikiti eya Oyam, Sirvasco Apollo naagira ngu Otto abaire natoora ogwa Gulu kandi emotoka ebaire eyemeriire aharubaju rw’enguuto obu butandu egi ebaireho.

Apollo naagira ngu omugyenzi (Alfred Otto), n’omutuura wa Aleny omu gomborora eya Kamdini omu disiturikiti eya Oyam.

Otto abaire navuga piki piki ehandikirwe omu namba ya UEH 701L kandi ekimotoka ekihango ekibaire kyemeriire n’ekya namba KBZ 905X/ZH 0609.

Pooriisi neegira ngu okucondooza okwahikireho nikworeka ngu omugyenzi abaire ashemeriirwe bwanyima ya Arsenal kuhonda Man U na gooro 1 ahari 0.

Sirvasco Apollo nashaba abarikukoresa enguuto okukuratira ebiragiro by’ahanguuto nka eky’obutanywa amaarwa okavuga ahabw’okuba eki tikirikwikirizibwa.

Omutumbi gw’omugyenzi gutwirwe omu kabafu ah’eirwariro erya St. Pope John Hospital kukyeberwa obwo okucondooza kurikugyenda omu maisho.

#WestUpdates