Omuhwezi wa Purezidenti wa Kenya, Gachagua abingirwe ari omu eirwariro.

N’ebya Omushaki weitu

KENYA

Ba memba b’orukiiko orukuru orwa Paramenti ya Kenya bateire akaruuru k’okwihamu obwesigye Omuhwezi wa Purezidenti w’eihanga eryo, Rigathi Gachagua n’obu atiizire kwetonganaho bwanyima yaaba puriide be kugira ngu abaire atwirwe omu eirwariro.

Gachagua abaire ari ow’okureebukaho omu maisho g’orukiiko oru omu eihangwe gw’orwakana ebiro 17.10.2024 kwetonganaho bwanyima y’ekiro kimwe aherize kwehakana emishango 11 ei atwire najunaanwa.

Gachagua najunaanwa emishango erimu ey'obushomankuzi, ey'obutabaramu gavumenti ya Kenya amagyezi hamwe n'okwinegyeza eby'obutegyeki eby'okubaganisamu abantu arikwema ahanganda n'endaijo.

Beitu hoona, Gachagua tareebukireho omu maisho g’abany’ishengyero b’omu rukiiko orukuru omuri Kenya kwetonganaho kandi puriida we ashabire ngu bongyereyo okwetonganaho kwe arikugira ngu omuhwezi wa purezidenti abaire nashasha omu kifuba kandi ngu abaire ariyo naragurirwa abashaho ah’eirwariro erya Karen hospital. 

Beitu abany’ishengyero bashaziremu kugumizamu nibahurira enshonga za Gachagua atariho, ekigyemesereize tiimu ye (Gachagua) okushohora omurukiiko oru.

Eki nikijaho bwanyima ya Gachagua kutunga obuteikirizana na mukama we, Purezidenti William Ruto, otaine eki yagambire ahanshonga egi.

#WestUpdates