Mugoya Biasaali, 40, omukumi wa kampuni y’eby’okwerinda eya SGA oikiriize ku yateire Sheikh Mutumba amasasi akamwita omuri Bugiri. Photos by Margret Zalwango.

N’ebya Margret Zalwango

BUGIRI

Omukumi aikiriize ku yateire Sheikh amasasi akamwita omu disiturikiti eya Bugiri.

Mugoya Biasaali, 40, omukumi orikukora na kampuni y’eby’okwerinda eya Security Group Africa (SGA) kandi omutuura wa Lubowa, omu tauni kanso ya Katabi aikiriize ku yaitsire Sheikh Mutumba.

Ogu abaire aretsirwe omu kooti y’ekinyamahe omuri Makindye aharwakabiri, Kampala kuhurira omushango gwe beitu ab’orubaju oruhababi rubaire rutaine mujurizi weena ekibagyemesereize kushaba okwongyezayo omushango kubaasa kureeta abajurizi omu kooti.

Capt. Simon Nsubuga Busagwa, Puriida orikujwekyera bakitabarizibwa agambiire kooti ngu Mugoye aikiriize ku niwe yateire amasasi Sheikh akamwita.

Nsubuga ayongiireho ngu Mugoya aikiriize ku niwe yateire Sheikh amasasi kandi tarikureeba ahabw’enki abandi abu arikujunanwa nabo bashemeriire kubonabona ahabwe.

Beitu hoona, omutonganirizi wa gavumenti, Lt. Alex Mukwana agambiire kooti ngu n’obu Mugoya aikiriize okukora omushango ogu beitu gukiri ogw’orubaju oruhababi kandi ngu tibashemereire kushariramu kooti eki eraakorere guruupu y’abandi abantu abarikujunanwa.

Sheikh Mutumba akateerwa amasasi agamwitiireho ahabiro 14/02/2020 omu ka tauni ka Lwemba omu disiturikiti eya Bugiri.

Mugoya n’abandi abu arikujunanwa nabo bakateebwaho omushango gw’obwitsi omu kooti y’ekinyamahe bwanyima ya wiiki nkye Sheikh aheerize kwitwa.

Okurugiirira ahari Mugoya, akateera omugyenzi amasasi ahabw’ekiniga ekyarugiriire aha butaikiriza ahanshonga z’eitaka ezi yabaire aine nabo. Abandi abarikujunanwa omu mushango ogu barimu; LDU James Balidhusa, dureeva w’emotoka za special John Mary Jagenda na Aex Mugoya orikumanywa nka Waiswa, omukumi kuruga omu disiturikiti eya Bukedea.

Abandi ni; Amos Kojja, Sulaiman Konta, Charles Mwandha na Ashraf Mugoya, boona abatuura b’omu kyaro kya Lwemba omu disiturikiti eya Bugiri.

Ceeyamaani wa kooti y’ekinyamahe, Brig. Gen. Freeman Mugabe ayongiizeyo omushango ogu kuhisya ebiro 19/10/2023.

#WestUpdates