Swaibu Mirundi, omutuura wa Butamba omu tauni kanso ya Kayabwe omuri Mpigi ateirweho emishango 9 omuri okutoroboza abahara 8 abu arikwezaarira akabaturiza akakooko ka siriimu. Simon Ssekidde.

N’ebya Omushaki weitu 

MPIGI

Kooti omuri Mpigi eteire emishango 9 aha mushaho w’ekiraguju w’emyaka 49 omuri ey’okutoroboza hamwe n’okutwara omwana omu buhenda biragiro.

Swaibu Mirundi, omutuura wa Butamba omu tauni kanso ya Kayabwe omuri Mpigi Orwakashatu ebiro 15/05/2024 areebukireho omumaisho g’omuramuzi Jane Francis Nanvuma ahi ateirweho emishango y’okutoroboza abahara 8 abu arikwezaarira abari ahagati y’emyaka 11-15.

Mirundi nabwo ateirweho omushango gw’okutwara omwana omu buhenda biragiro.

Abahababi nibagira ngu ahagati y’omwaka gwa 2021 na 2024, omu kyaro ekya Najjera omu disiturikiti eya Wakiso, Mirundi akatwara omwana emyaka nka 15 ehingwire arikumwiha ahari nyina atamwikiriize.

Mirundi tayikiriziibwe kugira ekiyagamba ahabw’okuba omushango gwe niguhurirwa omu kooti enkuru. Asindikirwe aha rumanda kuhisya ebiro 21/05/2024.

Swaibu Mirundi akwatsirwe wiiki ehwaire bwanyima ya bamwe omu bahara kutwara okwetomboita kwabo aha Pooriisi ahabw’ishebo kubatoroboza akabaturiza n’akakooko ka sirimu.

#WestUpdates