Enanga naagira ngu okucondooza omunshonga egi kuriyo nikugyenda omu maisho. Photo by Mpalanyi Ssentongo.

N’ebya Omar Kashaka.

MPIGI

Omushaho w’ekiraguju akwatsirwe Pooriisi ya Mpigi ahabw’okugambwa kuba atoroboize abaishiki 5 abarimu n’abahara 4 abu arikwezaarira.

Omushaija ogu omanyirwe nka Swaibu Murundi, 43, omutuura wa Butamba omu tauni kanso eya Kayabwe omu disiturikiti ya Mpigi nagambwa kuba abaire amazire emyaka 4 arikubyama n’abaishiki aba.

Fred Enanga, Omugambirizi wa Pooriisi omu kihandiiko eki ashohoize Orw’okubanza ebiro 13/05/2024, agizire ngu Murundi akwateirwe okutoroboza abaishiki 5 kuruga omu mwaka gwa 2020.

“Abaishiki aba boona n’abaana b’amashomero. Nagambwa kuba yatoroboize abahara abu arikwezaarira ab’emyaka 16, 15, 14 n’ow’emyaka 12. Ondijo omwishiki wa kataano ou Murundi yaatoroboize ni muhara wa munywani we munonga ou atwire nashashurira fiizi ah’eishomero,” Enanga arikushoborora.

“Abaishiki aba boona batwire bahunami bwanyima y’ishebo kandi omukuza kubatinisiriza kwija kubaroga akabaita arikukoresa amarogo. Nyakuteekateekwaho abaire natuura omu mwanya guriho ekikaari oguri ah’eitaka rya hiika 2 ahi abatuura babaire batarikwikirizibwa kuhikaho,” Enanga arikwongyera kushoborora.

Naagirangu nabwo amaka ga Murundi gaine geeti 3 kandi ba kasitoma be babaire nibakoresa geeti emwe erikutaaha omu buju obu arikukoreramu emirimo ye y’okuroga.

Enanga nayongyeraho ngu Murundi akaandika kubyama n’abahara kubahikize bati emyaka 12 bwanyima y’okutaana n’abanyina b’abaana aba kandi abaire aguhindwire omuze gw’okubyama nabo nk’obashwire.

Enanga naagira ngu okucondooza omunshonga egi kuriyo nikugyenda omu maisho.

#WestUpdates