Omushaho w’omu eishemerezo akwateirwe okwiba emibazi- Pooriisi.

N’ebya Omushaki weitu

MBARARA

Pooriisi omu disiturikiti ya Mbarara ekwatsire omuhwezi w’omushaho orikukora omu eishemerezo mwete (theatre Assistant) ah’eirwariro erya Bwizibwera Health Centre IV omuri Kashari, Mbarara ahabw’okugambwa kuba aibire emibazi.

Nyakuteekateekwa amanyirwe nka Denis Twinokwesiga kandi obwa hati akomiirwe aha Pooriisi ya Bwizibwera. 

Nikigambwa ngu Twinokwesiga akwatsirwe bwanyima y’abakumi b’ah’eirwariro eri kukwata abantu babiri barikuteeraho okwiba ebox z’emibazi. 

Emmy Kateera Turyabagyenyi, RDC wa Mbarara naagira ngu abashaija babiri ababaire nibatamburira ahari piki batoorokire barikuhwerwaho Twinokwesiga ou barikujunaana okubaheereza emibazi oizire akateera empi abakumi nawe akatooroka. 

Twinokwesiga we aizire yakwatwa kandi naija kutwarwa omu kooti okucondooza kukuraahwe.

#WestUpdates