Omushaija aitsire ishe omuri Pallisa.

N’ebya David William Okiria

PALLISA

David Amuya, 31, omutuura w’omukyaro kya Komolo Central omu disiturikiti eya Pallisa naagambwa kuba aitsire ishe, Simon Okia, 57.

Nikigambwa ngu Amuya atwire aine obutaikirizana n’ishe ahabw’eitaka kumara emyaka 7 bwanyima ya Okia kutaana na nyina.

Aharwakana, Amuya naagambwa kuba agiire kutaayaayira ishe n’ekigyendererwa ky’okugonjora enshonga zaabo z’eitaka, Beitu hoona, habaireho obutaikirizana ekirugiriiremu Amuya okumita ishe omukifuba.

Ceeyamaani wa Komolo central, David Stephen Olokotum ahamize ngu bwanyima ya Amuya kuheza kwita ishe, asigireho omutumbi gwe omu kyagana ky’eshagama yabura.

 “Pooriisi eyetsirwe kandi eizire yatwara omutumbi gwa Okia kukyeberwa kandi guhairwe aba famire kuguziika. Tutwire nitushaba omugyenzi kweta ab’ekika bakabaasa kugonjoora enshonga zaabo,” Okolotum arikushoborora.

Omugambirizi wa Pooriisi ahabw’egomborora eya Pallisa, Charles Mukaire najumirira ekikorwa eki arikugira ngu okwita ishe tikirikuza kumaraho enshonga za famire.

Omugambirizi wa Pooriisi ahabw’ekyanga ekya Bukedi North Immaculate Alaso atwirwe omu kicweka ekindi kandi ekicweka eki tikikatungire omugambirizi ondiijo.

#WestUpdates