Ow’emyaka 17 akwateirwe okutoroboza omwishiki w’emyaka 7.

N’ebya Omushaki weitu

PALLISA

Pooriisi omu disiturikiti ya Pallisa ekwatsire omwojo w’emyaka 17 ahabw’okugambwa kuba atoroboize omwana w’omwishiki w’emyaka 7.

Nyakuteekateekwaho n’omutuura w’omu kyaro kya Rweta A omu woodi ya Kagwese kandi akwatsirwe ebiro 05.09.2025.

Omwana w’omwishiki otoroboziibwe abaire agiire kugura biscuits za Sh200 nikwo kubugana omwojo w’emyaka 17 orikugambwa kuba amukwatsire akamutwara omu kinaabiro, akamukwata aha munwa na bwanyima akabyama nawe.

Omugambirizi wa Pooriisi ahabw’ekyanga ekya Bukedi North, Wilfred Kyempasa ahamize amakuru aga kandi nagira ngu omushango gw’okutoroboza gwigwirweho aha Pooriisi kandi n’omwishiki atwirwe kukyeberwa.

Nyakuteekateekwaho naija kutwara omu kooti ajunaanwe, okucondooza kukuraahwe.

#WestUpdates