Ow’emyaka 30 ateirwe eisasi yafeeraho, omu pooriisi akwatsirwe- Hoima.

N’ebya Omushaki weitu

HOIMA

Pooriisi omu disiturikiti eya Hoima ekwatsire omu Pooriisi waayo ahabw’okugambwa kuba ateire amasasi akaita omushaija w’emyaka 30.

Julius Allan Hakiza, Omugambirizi wa Pooriisis ahabw’ekyanga ekya Albertine naagira ngu omu pooriisi waabo ou amaziina ge gatagambirwe aharwamukaaga ebiro 27.07.2024 ateire amasasi obu Pooriisi ebaire neyenda kucureeza abantu ababaire baine emihoro n’emisyo barikwenda kureetaho akavuyo aha mbaga y’amazaarwa omu gomborora eya Buraru omu disiturikiti eya Hoima.

Eky’obusaasi, eisasi riteire John Mary Wandera ow’omu kyaro kya Nyakihira kandi rimuteire aha mutwe nikwo kufeeraho.

Hakiza naagira ngu bakwatsire omu Pooriisi waabo oteire amasasi kandi n’omwe aha barikuteekateekwaho kureetaho akavuyo aka akwatsirwe obwo okucondooza kurikugyenda omu maisho.

#WestUpdates