Omutumbi gwa Bakyenga gwahika omuri Mbarara.

N’ebya Beth Akatukunda

MBARARA

Omutumbi gw’owabaireho Aakibiishopu owa Mbarara, Paul Kaamuza Bakyenga gwahika omuri Mbarara.

Abantu baingi bayerundanira aha kashozi ka Nyamitanga kubaasa kwakiira omutumbi ogwa Aakibiishopu Bakyenga hamwe n’okumushabira.

Omutumbi gwa Bakyenga gwaheza kuhikibwa omuri Mbarara aha kereziya Nyamitanga. Ebishushani byona n'ebya Ssenyomo Gideon.

Okurugiirira aha ntebeekanisa, nihaija kubaho misa nyingi ez’okushabira omutumbi ogwa Bakyenga orikwija kuziikwa aha Sande omu kereziya ya Nyamitanga.

Bakyenga afeereire ah’irwariro erya Nsambya omuri Kampala aharwakabiri ebiro 18/07/2023. Aakibiishopu Bakyenga afeereire aha myaka 79.

Omutumbi gwa Aakibiishopu Bakyenga gwaheza kuhikibwa ahari Nyamitanga.

Abantu baingi bamugambireho nk’obaire ari omwebembezi w’ediini ohikire obaire nakunda ekereziya n’okuhabura abantu kugira obusingye, okusaasirana n’okuba abesigwa barungi ahari Ruhanga.

Omutumbi gwa Bakyenga gurikutahibwa omu kereziya eya Nyamitanga.

Abandi bagambire ahari Bakyenga nk’omuntu orikwija kuguma naijukwa kandi ahabw’ebi akozire, obaire nakundwa abantu baingi kandi okoriire eihanga eri ebintu bingi by’entunguuka.

#WestUpdates