Omwana w’emyaka 7 afeeriire omu muriro ogukwatsire enju- Nakasongola.

N’ebya Eddie Ssejjoba 

NAKASONGOLA                   

Pooriisi omu disiturikiti eya Nakasongola eriyo necondooza nk’oku omwana w’omwojo w’emyaka 7 ahiriire omu muriro abyami omu maka g’abazaire be.

Nikigambwa ngu enju ei omwana ogu abaire abyamimu ekwatsirwe omuriro obu beine-nyina babaire nibagyezaho kuhemba sigiri. 

Nikigambwa ngu enju nabwo ebaire nekoresibwa kubikamu ebindomora by’amajuta ebirikuguzibwa.

Eki kibaire aha mwaro ogwa Kibuye omu gomborora eya Lwampanga.

Omugambirizi wa Pooriisi ahabw’ekyanga ekya Savannah, Sam Twineamaziima, naagamba omwana ofiire nka; Asuman Lubega, 7, ou arikugira ngu ahiire yayongotoka.

Omu bwire obu enju ehiriremu, omugyenzi abaire abyami nikwo beine-nyina beebembiirwe munyanya w’emyaka 8 kucwamu kuhemba sigiri ahi bakoriise amajuta ga ‘petrol’ agabaire gabikire omunju. 

Beitu eky’obusaasi, sigiri ekyamukire omuriro gwakwata enju yoona nikwo omwana w’emyaka 7 kufeeramu.

Twineamaziima naagira ngu nyina w’omwojo, Rose Namubiru, orikuguza amajuta abaire atariho obu eki kibaireho beitu ngu asigire yaragira abaana kuteeka eby’okurya na chai.

#WestUpdates