Orutindo rw'akanya bwanya kwombekwa ahari Katonga omu biro bitano - Minisita Katumba

Orutindo rw'akanya bwanya kwombekwa ahari Katonga omu biro bitano - Minisita Katumba

N'ebya Angella Naturinda

Minisita w’eby’enguuto n’eby’engyenda, Gen. Katumba Wamala yaahaamiza ab’ebyiruka ngu nibaija kutaho orutindo rw'akanya bwanya omu biro bitano ebirakurateho aha mugyera gwa Katonga ahanguuto nyeigyendwa eya Kampala – Masaka.

Orutindo oru nirwija kuba nirukoresibwa emotoka enkye hamwe na piki.

Kampuni y’aba China eya China Communications Construction Company Ltd niyo epatanisiibwe kukora omurimo ogu.

Enguuto eya Kampala – Masaka ekingyirweho ebiro 11/5/2023 bwanyima y’omwijuzo gw’ebitengure ogwashazireho ekicweka kimwe ky’orutindo rw’ahamugyera gwa Katonga.

Eki kigyemesereize ebyiruka byoona kukoresa omuhanda ogwa Mpigi- Butambara-Villa maria erikwongyeraho oburaingwa bwa kiromita 50.

Orikukurira eby’okuhunduuza enguuto omu kitongore ekya UNRA, Joseph Otim, naagira ngu orutindo rw’akanya bwanya nirwija kukoresibwa kumara okwezi kumwe kwonka.

#WestUpdates