Owa boda otakamanyirwe maziina agwire omuri butandu- Kabale
N’ebya Omushaki weitu
KABALE
Pooriisi omuri Kabale eriyo necondooza butandu erugiriiremu okufa kw’omushaija otakamanyirwe maziina.
Butandu egi ebaireho omu kasheeshe k’ebiro 03/11/2023 omu ka tauni ka Kyobugombe omu gomborora eya Kaharo aha ruguuto orwa Kabale-Mbarara.
Butandu egi ebaire erimu emotoka empango ehandikirwe omu namba ya RAE128E/RL3057 hamwe na piki piki eya namba UEE 967E ebaire nevugwa omugyenyi otakamanyirwe.
Nikigambwa ngu omuvugi wa piki abaire navugira omu rubaju rw’enguuto arikuruga Kabale arikuza Muhanga kandi abaire yahika ahari Kyobugombe, yatomera emotoka egyo ebaire eyemeriire bwanyima y’okutunga obuzibu.
Elly Maate, Omugambirizi wa Pooriisi ahabw’ekyanga ekya Kigezi naagira ngu Pooriisi ehikire aha mwanya nikwo kutwara omutumbi gw’omushaija ogu omu kabafu kukyeberwa kandi piki ye etwirwe aha Pooriisi ya Kabale kushwijumwa.
Naagira ngu emotoka ebaire eyemeriire eyihirweho enamba y’emotoka hamwe ‘license’ byatwarwa aha Pooriisi.
Maate nashaba omuntu weena owakubaasa kuba namanya omushaija obaire navuga piki okwija bakamureeba abaase kuheebwa abanyabuzaare be kumuziika.
#WestUpdates