Owabaireho MP wa Rwampara, Ngabirano ahaire ekitiinisa kya dokita. Photo by Kajumba Godfrey.

N’ebya Beth Akatukunda

KAMPALA

Owabaireho Omuny’ishengyero wa Rwampara, Charles Ngabirano ahairwe ekitiinisa ky’obwa dokita kuruga ah’eitendekyero erya British American University omuri Florida, America.

Aha mukoro ogubaire ahari Hotel Africana Orw’okubanza ebiro 30.09.2024, Dr. Ngabirano asiimirwe ahabw’ebintu by’omutaano ebi akoriire abantu n’okureetaho empinduka y’amaani na munonga omu magara g’abantu.

Omu butumwa bwe bw’okwikiriza ekitiinisa ekimuhairwe, Dr. Ngabirano asiimire eitendekyero erya British American University ahabw’okusiima emirimo n’ebintu ebi arikukora kandi araganiise kugumizamu nakoreragye abantu n’okutunguura emiturire yaabo.

Prof. Ijeoma Blessings Anumaka- Omuhwezi wa Purezidenti wa university egi na Prof. Wasswa Balunywa nibo babaire beebembirwe omukoro gw’okuheereza Dr. Ngabirano ekitiinisa ky’obwa dokita.

#WestUpdates