Pooriisi ekwatsire abantu 47 abarikuteekateekwaho kuba abashuma ahari Northern Bypass.

N’ebya Omushaki weitu

KAMPALA

Pooriisi aharw’okubanza ebiro 28.10.2024 ekwatsire abantu 21 bwanyima y’omuhigo ogukozirwe ahankozi z’ebihagaro abatwire nibanyangaraza abantu aha ruguuto orwa Northern Bypass omuri Kampala.

Omugambirizi wa Pooriisi, Kituuma Rusoke naagira ngu nabwo bazoire emisiri y’enjaayi n’ebindi bizibiti omu muhigo ogukozirwe omu Kigoowa omu muruka ogwa Bukoto II omu Nakawa Divijoni omu rurembo orwa Kampala ahabiro biro 24.10.2024 shaaha nka 12 z’omwebazyo.

Naagira ngu omu muhigo gukozirwe Pooriisi ya Kira Road ekwataniise n’abeebembezi b’ekicweka eki n’ab’ekitongore ekya Uganda People’s Defense Forces.

“Nabwo tukozire omuhigo ogu omuri Kamuli Lubawo hamwe n’aha ruguuto orwa Kamuli omuri Wakiso, aharuguuto orwa Namugongo omu muruka gw Kireka omuri Wakiso ahabiro 25.10.2024 kandi bakwatsire abandi bantu 17 abarikuteekateekwaho,” Kituuma arikushoborora.

Omuhigo ogundi gubaire omu kyaro ekya Koboko Buuto omuri Bweyogerere Divijoni kandi okwo nayo bakwatsireyo abarikuteekateekwaho. 

Kituuma nayongyeraho ngu omuhigo ogu nabwo gubaire gugyendereire ahabantu abarikuza enjaayi n’emibazi y’ebitokooza bwongo.

#WestUpdates