Ab’eby’okwerinda baakingaho Nateete ahabw’okutinirira okutaahirirwa kw’abazahambuki.

Ab’eby’okwerinda baakingaho Nateete ahabw’okutinirira okutaahirirwa kw’abazahambuki.

N’ebya Eddie Ssejjoba

Ab’eby’okwerinda baakingaho etauni ya Mabiito omuri Nateete, divijooni ya Rubaga omu rurembo rwa Kampala.

Bagaruka baakingaho enguuto eya Kampala-Busega bwanyima y’okutunga amakuru ngu omwanya ogu gurimu abarikuteekateekwa kuba bari abazahambuki.

Abantu babiri bakwatirwa omukyanga eki. Omwanya ogu nigumanywa ahabw’okubamu empenda-biragiro abarimu abarikukozesa ebitokooza bwongo, abashuma n’abaitsi.

Bamwe abarikuteekateekwa kuba baitsire Maria Nagirinya na dureeva we Ronald Kitayimbwa omugwa 2019 bakakwatirwa omuri Mabiito.

Omugambirizi wa pooriisi eya Kampala n’emyanya egyetoreire, Patrick Onyango yaagira ngu batsindikayo tiimu y’abarikushwijuma omubya bomu kucondooza.

Abashuubuzi omuri Nateete nibagira ngu ab’eby’okwerinda bakingireho omwanya ogu nk’ahari shaaha 4 z’ekiro nyomwabazyo kandi bakwatsire abantu 2. Kwiha obwo, tihaine orikwikirizibwa omukyanga eki.

Nikigambwa ngu ab’ebyiruka kuruga Busega nibakoresa enguuto enkuru eya Masaka kuza aha Northern Bypass kandi abandi nibakoresa orwa Lungujja kuza Kampala.

Eki nikijaho bwanyima ya pooriisi kutegurira bomu ebaire eteegirwe ahakanisa eya Pastor Robert Kayanja nyomwabazyo kandi omwe akwatsirwe n’eby’okukoresa bomu.

Okucondooza nikugumizamu.

#WestUpdates